Ula ktapekiaqnn weji-ktapekiasikl wjit kkisikuminaq aq kniskamijinaqik ta'n pewatmi'tipnek siawiknan Mi'kmawey aq teli'sulti'kw ke'sk koqqwa'tu'kw kina'matneweiminu, wjit kikmanaq ta'n attikna'suatmi'tij ki's tlian, aq wjit knijannaq ta'n me'j naji-attikneta'jik kekinu'tmasultijik kulaman nekmow kis-siawi-kina'mua'tita wnijannua elmi'knik.
Mi'kmawey Klusuaqney Wi'katikn
Klusuaqney wi'katikn eltasik wjit 6000+ klusuaqnn ta’n tlwe’jiten koquey Internetiktuk wjit L'nui'simk. Ne'sijik ewi'tmi'titl klusuaqn kulaman nutew wen ta'n tel pilui'sit wen aqq ta'n tel pilui-tluet wen klusuaqn. Etek wjit msit klusuaqnn wije'tikl klusuaqn kulaman wen ta'n keknu'tmasit nutal wije'tikl klusuaqn.
Mi'kmawey Klusuaqney Wi'katikn (link).
Rand Micmac Dictionary
Rand, Silas Tertius. 1988. Dictionary of the language of the Micmac Indians: who reside in Nova Scotia, New Brunswick, Prince Edward Island, Cape Breton and Newfoundland. Halifax, N.S.: Nova Scotia Printing Company.
Information courtesy of the Internet Archive (link).
Ta'n tel wi'kasik Smith Francis Orthography
Tu kitimn kisna ktu' wi'kimn koquey L'nuiktuk toq ewe'mn Smith Francis Orthography, wla etekl tapu'kl apoqnmultal:
Media:
Ta'n wejiaq wla lukwaqn
Jilaptoq (Mi'kmaw Language Center) wejiaq digital, multimedia aq interactive Mi'kmawe'l kekinu'tamasimkewe'l. Amkwes wla eltasikip wjit Nova Scotiaewey Pesqunatekewey Kina'matnewey. Katu, wla na klapis we'wasitew wjit msit wen ta'n ketu' kina'muet L'nui'simk and koquey L'nuey.
Jilaptoq na Mi'kmawey klusuaqn teluek "Ta'n wen kkwatl tel naqtikl jilapaqtekl".
Jil- na Mi'kmawey wjit "jilte'k".
ap- na Mi'kmawey wjit "apkapte'n, nemitu'n".
-t na Mi'kmawey teluek ta'n koquey aqq ta'n te'sikl.
-oq na teluek ta'n wen weskumut.
Ula lukwaqn na pukwelkik kisa'tutij mita kesite'ttimi'tij L'nui'simk. Timk na ula kisitasik wjit klusuaqney wi'katikn, na Unama'kikewaq toqolukutijik Listukujewaq. Eltuekl elp pilue'l L'nui'simkewe'l ta'n ja'ten tett. Ktu apoqntimn, wi'kikewinen tett jilaptoq@kinu.ca.
